بص ياباشا قبل ما تقرأ اى حاجه لازم تعرف ان احنا هنا Minimum Charge يعنى م الاخر لازم تسيب تعليق ولو ماسيبتش عادى برده ولايهمك كفايه انك نورتنا.



الأربعاء، يونيو 08، 2011

فتافيت سكر...


بعد نشر نوت جراح الأمل (إضغط هنا) والتى كانت تتحدث عن رسائل الصباح حدثت فى اليوم التالى مباشرة صدفة أغرب من الخيال حيث أتتنى رسالة عن طريق الخطأ من رقم مجهول كتب فيها عبارة «بحبك».. فقط.. فقولت «ياه هو اللى ها نكتبه للناس ها يطلع علينا ولا إيه».. وقررت الرد على الرسالة بــ «وأنا كمان».. لكننى إكتشفت فى نهاية المطاف أن صاحبة هذا الرقم بتدور على واحد اسمه شريف.. ماحدش شاف شريف...

-----------------------

تعودت دائما أن أضع السماعة  فى أذنى عندما أريد التركيز فى شىء ما. ولكن يحدث فى بعض الأحيان أن أظل فترة طويلة واضعا السماعة على أذنى دون أن أقوم بتشغيل شيء تقدر تقول «بشتغل نفسى يعنى». والجديد ما اكتشفته الجمعه الماضية حيث جلست طول العصرية واضعا السماعة فى أذنى وأخذت أستمع وأدندن إلى منير لكنني اكتشفت في نهاية المطاف إلى أننى لم أضع السماعة فى اللاب من أصله.

-----------------------

بما أننا أيام امتحانات فقررت أن أهدى للناس اللى لسه  ياعينى بتذاكر هذه النوت القديمة والتى كتبت من القلب فى يوم الأيام وأسمها دا إنته حبيب الكل يارب (إضغط هنا).. وأتمنى من القلب التوفيق والنجاح لكم جميعا «دا على أساسا اللى نجحو يعنى عملوا حاجة (: ».. ويكفى أن أذكركم أن عدم المذاكرة جيداً والسعى إلى النجاح هى السبب الرئيسى فى تعطيل العجلة إياها بتاعة الإنتاج ومن أول الأسباب لفشل الثورة «أيوه إحنا هانعلق شماعتنا عليكم ولو ما نجحتوش يبقى انتو م الفلول»..

-----------------------

فى النهاية أنا متهيألى أنى قلبتكوا شوية فى النوت دى بس سامحونى أصلى حاسس إنى نفسيتى مش مظبوطة هاظبطها ببنطتين لحام وسنعود إن شاء الله...

                                       حـجـــاز

5 ســــــــايق عليك النبـــى تجبر خاطرى بكلمتين...:

يعنى تبدأ المقال بالاشارة للمقال الرومانسى الرائع رسائل الصباح"انا عايزة اسميه كده براحتى" واقول هيبقى مقال رومانتيكى بحت
يقلب بامتحانات وفلول وعجلة
بس بيس يامعلم وسلامة نفسيتك

قريت بس مش عارف اعلق

لنفس السبب بتاعك

جميل اوي التخبط اللي انت فية دة والف سلامة علي نفسيتك

ايه الاشتغالات دى بأه
انا قولت دا مقال رومانسى هيطرى علينا شويه بس ولا يهمك المهم سلامة نفسيتك وهنسامحك ياسيدى على القلبه دى بس بشرط البوست الجاى يكون رومانتك طحن
مفهوم.....هههههه

الف سلامه على نفسيتك

كل ده يا حجاز علشان ما تقابلناش امبارح ولا اول امبارح