إعادة النظر فى بعض الأمثال والحكم التى كنا تعودنا عليها منذ الضغر...
- ياوطن ما يهزك فتنة طائفية...
- مد حلمك على قد أكبر لحاف فى الدنيا...
- ديل الكلب لو ما إتعدلش أقطعه أو بلغ عنه النيابة الإدارية...
- إن بيت أبوك وقع حط إيدك فى إيد أخواتك وإبنيه من جديد...
- الباب اللى يجليك منه الريح أعرف أيه السبب الأول قبل ما تسده...
- عصفور فى اليد يساوى واحد على عشرة من العشرة اللى ع الشجرة...
- مصر بعد الثورة من بره هالله هالله وان شاء الله برده من جوه هالله هالله...
- محاكمة الظالم عبادة...
- القافلة تسير والكلاب بتتحاكم...
- اللى بيته من إزاز يعمل دستور جديد...
- علمناهم السرقة سبقونا على طرة...
- زى القطط ياكلوا ولما يتحبسوا ينكروا...
- جوّع أسدك يخلعك إنته واللى خلفوك...
- قالو للحرامى إحلف قال وربنا ما حصل...
- الإختلاف فى الرأى بيؤدى إلى التخوين اليومين دول...
- إذا كان رب البيت بالسرقة نازل فشيمة أهل البيت بالنهب ساففٌ...
- سأل الممكن المستحيل أين يقيم مبارك؟ فأجابة محجوز فى مستشفى شرم الشيخ...
- لمبارك... ضلالى وعامل إمام...
- للمليونيات... البركة فى اللمة...
- لنبيل العربى... مراية الحب عامية...
- لعصام شرف... بصلة المحب خروف...
- للحوار الوطنى... لقمة هنيه تقضى ميه...
- لتوفيق عكاشة... هبلة ومسكوها طبلة...
- لعكاشة بردك... ما جيتش تحبل إلا من الأهبل...
- للإخوان... راح يخطبها لإبنه إتجوزها بداله...
- للقوى الوطنية... العويل ما عنده غير لسانه...
- للمجلس العسكرى... اللى ياكل لوحده يزور...
- للشعب المصرى... أستلف وإزرع ولا تستلف وتبلع...
- للنظام السابق... الله خاد الله جاب الله عليه العوض...
- لوزير المالية... حمارتك العرجا تغنيك عن سؤال اللئيم...
- لبرامج التاك شو... الدنيا بطاطس وكله فى الأسافين غاطس...
- لبتوع نعم ولا... لا تعايرنى ولا عايرك الهم طايلنى وطايلك...
- لأمن الدولة... غار الهم وغار شياله وقطع الشر وقطع كياله...
- للدستور المرتقب... إسمها قمر وأبوها شهاب وشكلها هاتبقى زى الهباب...
- للإسلاميين والمسيحين... الناس خيبتها السبت والحد وإنتو خيبتكوا ماوردتش على حد...
لمصر بعد الثورة.......
................................
للنظام السابق.......
................................
................................
حجـــاز
4 ســــــــايق عليك النبـــى تجبر خاطرى بكلمتين...:
بوست لذيذ
(:
هى ليه الناس دايسة ع الأمثال الشعبية اليومين دول (:
مع اني مش بعرف الامثلة الشعبية دي كلها بس بجد عملتها تحفة عند حجاز دايما نلاقي الجديد تسلم ايدك واربنا يخليلك افكارك يا بشمهندس
رامى
والله ياباشا انا برىء دا هى جاى معايا كده ما اعفرش حد تانى عملها
:)
سمية
يعنى ازاى مش عارفة فيها وازاى جامدة ماهى الاتنين عكس بعض
تمشى ازاى
:)
إرسال تعليق