بينما كنتُ أتوجه إلى سلم المترو الكائن فى ميدان التحرير فشاهدت سيدة أجنبية تبدو فى الخمسينيات من عمرها وهى تصعد السلم بخطوات مسرعة كالأطفال بالضبط.. وبشغب شديد وترقب واضح على وجهها أخذت تنتظر اللحظة التى ستحقق فيها أمنيتها وترى أمام عينيها سماء ذلك الميدان الملحمى ،، الذى طالما سمعت عنه فى شاشات الأخبار أثناء الثورة المصرية.. وما إن صعدت السلم ورأت الميدان ، تفجرت من عينيها علامات الإندهاش والسعادة الغامرة... وكما يحدث فى الأفلام الأجنبية قالت بذهول شديد وهى تضع يديها على فمها (ooooh my god)... أما أنا فابتسمتُ وقولتُ فى خاطرى إرفع راسك فوووووووق أنت مصرى...
----------------
بينما كنتُ فى ميكروباص وجدت إثنين من بلاد أفريقية يجلسان أمامى وبلغة إنجليزية واضحة أخذ أحدهم يشرح لزميله أهمية العلم والقراءة فى حياته.. وكيف أنها مثل الماء فى حياته إذ أنه لايستطيع العيش بدون أن يتعلم كل يوم شىء جديد... وبينما هم كذلك قاطعهم السائق محاولاً (التأليس عليهم كعادة السواقين يعنى).. فسأله ذلك الرجل الشغوف بالعلم (هل أنت ممن كانوا فى ميدان التحرير؟؟) فقال السائق: (أمال إيه دا أنا كنت واقف جنب عمود النور اللى هناك)... وهكذا أخذ يتهكم على الرجل... وعلى الرغم من إستظراف السائق (عشان خاطر البنات اللى كانت موجوده فى العربية)... إلا أن الأجنبى عندما كان يغادر الميكروباص نظر إلي السائق بإبتسامة يملؤها كل الرضا والسماحة وقال له: سلام ياصديقى... وما إستنبطته أنا من الموقف أن الأجنبى حاول أن ينكر على السائق أنه أبداً لا يتمتع بأخلاق شباب الميدان... أما هو فى رأى كان يتمتع بأخلاق الميدان تحيتى له
----------------
فى الماضى القريب عندما كنتُ فى البلد سألتُ عن أولاد أختى فقالوا لى: (دا طلعو رحلة مصر).. فانهدشتُ من ذلك إذ أنهم على ما أتذكر كانوا فى أول أو ثانى أسبوع فى الدراسة بعد الإنقطاع الطويل بسبب الثورة... وعندما جاءوا من رحلتهم سألتُهم: (روحتُ أماكن إيه فى مصر).. فقالوا لى بكل سعادة: (إحنا شوفنا ميدان التحرير ياخالوا دا حلو أوى)... فقولت: (سبحان الله ،، حد كان يصدق ،، أهو إحنا كنا قاعدين فيه ليل نهار ولا كان أى حاجة ،، بس سبحان مقلب الأحوال بقى دلوقتى بيطلعوله رحلات)...
----------------
يجول فى خاطرى سؤال أحزننى بعض الشىء وأود أن أشارككم إياها... ياترى أنا إتغيرت بعد الثورة ولاّ ولا كأن حاجة حصلت ؟؟ (إسأل نفسك)
حجــاز
12 ســــــــايق عليك النبـــى تجبر خاطرى بكلمتين...:
ارفع راسك فوق انت مصري
اتمني ان كلنا نرفع راسنا لفوق بجد ومش نشغلها في غير اللي هيفدنا ويعمم الخير علي بلدنا
بالنسبة لموضوع التغير
اعتقد ان احنا كلنا اتغيرنا
كفاية انك تحس ان ايجابيتك في اي مسئلة هيكون ليها تأثير حواليك
ماعدناش بنكبر دماغنا زي الاول كل واحد حاسس بالمسئولية وانا من رئيي ان ده اكبر مكسب من الثورة.
هههههههههههههههههههههه
اسلوب جميل يجبرك على الضحك رغم عمق الموضوع
على فكرة انا كمان عايزة اروح رحلة التحرير
تسلم الايادى يامتميز
دينا عماد
هو الموضوع بسيط لو الواحد عايز يتغير و خصوصاً بعد الثورة يبعد عن اللكلكة إللي شغالة اليومين دول و عن إخوانا المتشائمين .. لإن فيه ناس من النوع إللي تبدأ زي الدينامو في الأول بس و بعد كدة بيقفوا تاني مكانهم .. ^^
جميله ياحجاز تسلم ايدك
واتمني بجد الناس تتغير للاحسن نغير نفسنا الاول وبعدين بلدنا تتغير باذن الله
وارفع راسك فوق طبعا من غير كلام انت مصري
عايزة اروح رحله للتحرير بقي :D
ايمان
ahmed fra7at
هو كلامك صحيح يا احمد لكن انا هنا بدأت احس ببوادر احباط عند الناس وده للأسف شعور يحزن
اما بالنسبة للسؤال فأنا كنت بسألك على المستوى الشخص
هل انته اتغيرت فعلا؟ هل فعلا فكرت تبنى نفسك تانى ازاى؟
تسلم ياحمد
@دينا عماد
خلاص انا ممكن اعملكم رحلة هاشوفلكم اتوبيس وهلم الفلوس منكم ونلم الاسماء وهاعملكم بروجرام تحفة وهادلعكم
ههههههه
تسلمى ياحماتى
:D :D
@noha el maged
بالظبط هو ده اللى انا بتكلم فيه
الناس كانت متفاءلة جدا جدا وكان عندها تخيلات ان احنا خص لقينا مصباح علاء الدين عايزين بس ندعك المصباح والدنيا تبقى فل
وللأسف ده مش صحيح
احنا فعلا ها نعيش من النعيم اللى موجود جوه المصباح بس لو بدأنا نشتغل ونبنى نفسنا صح قبل ما نبنى بلدنا
نورتى يا نهى
@ ايمان الليثى
خلاص انا كنت لسه بقول فوق انى هاعمل رحلة ايدك يالله ع الفلوس الاشتراك بمية جندى
هههههههه
استغلال استغلال يعنى
:)
طبعا لازم نرفع راسنا فوق
انا اكتشفت انى بحب مصر اوى وبجد فخوره انى مصريه
بالنسبه للتغير حاسه ان فى حاجه اتغيرت من جوه يعنى بأه عندى احساس انى لازم اقول رأيى واكون ايجابيه
واتأكدت من ده لما روحت ولاول مره فى حياتى عشان اقول رأيى فى التعديلات الدستوريه
ما تنسوش تاخدونى معاكو الرحله لانى بجد هتتجنن واشوف ميدان التحرير ده
@ اميرة
اه وضح جدا انك اتغيرتى عشان قررتى ترجعى تسيبى تعليقات زى الاول
ههههههههههه
نورتينى با اميرة
دوام الحال من المحال تقبل مروري
كريمة سندى
تنورينا يافندم...
إرسال تعليق