إن ما قدرتش تضحك .. ما تدمّعش ولا تبكيش... وإن ما فضلش معاك غير قلبك...إوعى تخاف..!! مش هاتموت.. هاتعيش... وإن سألوك الناس .. عن ضي جوا عيونك ما بيلمعشي...!! ما تخبيش ..قولهم العيب مش فيا ده العيب م الضي...وأنا مش عاشق ضلمة..ولا زعّلت الضي... مسير الضي لوحده هايلمع... ومسير الضحك لوحده هايطلع... ما بيجرحش ولا يئذيش... " كلمات محمد ناصر وفى ناس بتقول فؤاد حداد "
من أجمل مميزات الشعب الصينى واليابانى الابتسامه المرسومه طول الوقت على وشوشهم فى الشارع فى الشغل وفى كل حته مع ان المفروض دى تكون عندنا احنا.. شوف بأه وانته ماشى فى الشارع مره بص لوشوش الناس مش هاتلاقى حد بيضحك اصلا.. طب اركب عربيه كده مره هاتلاقى الناس كلها موجوعه ومكتئبه وكل الناس دى غرقانه فى تفكيرها وشايلين على راسهم كل همومهم ومشاكلهم... اللى شايل هم عياله.. واللى مش لاقى شغل.. واللى شايل هم المذاكره والامتحانات.. واللى مرتبه مش مأضيه.. واللى عايز يتجوز.. واللى داخل الجيش.. واللى عايز يسافر.. واللى خطيبها مزعلها.. واللى مخطوبه لواحد هى مش عايزاه.. واللى نفسه يخطب واحده ومش عارف.. واللى مديون لخلق الله.. واللى واللى واللى ...
من أجمل مميزات الشعب الصينى واليابانى الابتسامه المرسومه طول الوقت على وشوشهم فى الشارع فى الشغل وفى كل حته مع ان المفروض دى تكون عندنا احنا.. شوف بأه وانته ماشى فى الشارع مره بص لوشوش الناس مش هاتلاقى حد بيضحك اصلا.. طب اركب عربيه كده مره هاتلاقى الناس كلها موجوعه ومكتئبه وكل الناس دى غرقانه فى تفكيرها وشايلين على راسهم كل همومهم ومشاكلهم... اللى شايل هم عياله.. واللى مش لاقى شغل.. واللى شايل هم المذاكره والامتحانات.. واللى مرتبه مش مأضيه.. واللى عايز يتجوز.. واللى داخل الجيش.. واللى عايز يسافر.. واللى خطيبها مزعلها.. واللى مخطوبه لواحد هى مش عايزاه.. واللى نفسه يخطب واحده ومش عارف.. واللى مديون لخلق الله.. واللى واللى واللى ...
لكن نفس الناس دى لما يكون عندك فرح بتجيلك وترقصلك وتفرحلك وكأن مفيش عندها اى مشاكل فى حياتها... تقولهم نجحت يزغردولك.. تقولهم انا خطبت يباركولك.. تقولهم انا اتجوزت يغنولك... انا لقيت شغل يتبسطولك.. انا مسافر يدعولك.. انا مضايق يقولوك تعالى نخرج شويه وعن نفسك تفك.. انا عندى مشكله طب احكيلنا ونحاول نحلهالك.. انا عندى امتحان يقولولك ربنا يوفقك.. وبعد ما تطلع من الامتحان تلاقيه بيتصل بيك ويسألك أكيد ربنا ما زعلك.. وتقولهم مش لاقى شغل ومكتئب يقولوك لا لا مش كده صلى ع النبى وان شاء الله بكره الفرج يخبط على بابك .. تقولهم خلاص انا زهقت يقولوك لا مش كده امال يلا قوم اتحرك .. ابعت ..اتفائل ..اضحك.. تقولهم انا خلاص ماعدتشى عندى يقولولك بكره ربنا يديك.. تقولهم راح منى يقولك اكيد دا مش مكتوبلك واكيد ربنا مش رايدلك ... ولما انته بأه تزعلهم تلاقيهم جايين يجروا عليك ويقولولك سامحنا دا ما كانشى بإيدنا مع انك انته اللى جيت عليهم.. وطول الوقت تشتكى وهما طول الوقت يطبطبوا عليك ...
والغريبه اننا عارفين ان هما كمان مهمومين.. ولما نيجى نحط ايدينا على جرحنا تلاقيهم مالوا على جنب وهمسوا مع نفسهم وافتكروا إن عندهم الف جرح وجرحين ..بس هما فى ثوانى نسوا همهم لما لقوا انهم ممكن يساعدونا وممكن يضحكولنا وكمان يقفوا جنبنا وعلى اوجاعنا معانا متحملين...
مانعرفش هما بيعملوا دا ازاى... ومانعرفش هما بيجيبوا القلوب الطيبه دى منين.. ولانعرف هما بيقدروا يطلعوا الحنيه دى كلها امته.. بس اللى نعرفه كويس ان الناس دى احسن من الصينيين واليابانيين.. واللى نعرفه كويس ان الناس دى مش هايكونوا ولا هايبقوا غير اصحابنا وحبايبنا الكويسين.. الناس اللى طول عمرهم لهمومنا شايلين.. الناس اللى طول عمرنا بنقولهم احنا لينا ايه عندكم ياطيبين.. وعمرنا ما قولنالهم انتم لينا محبوبين.. ولا حتى عرّفناهم انهم من قلبنا قريبين.. بس اكيد جه الوقت اللى نقدر نقولهم فيه احنا بجد متشكرين.. وعلى رد جمايلكم يارب نكون قادرين.. ولأحلامكم وامانيكم يارب محققين.. وعلى همومكم ومشاكلكم يارب متغلبين.. ويخليكم لينا ربنا يا حلوين وما يحرمنا منكم أبدا ابدا ابدا يارب امين...
الباحث عن الصفر
8 ســــــــايق عليك النبـــى تجبر خاطرى بكلمتين...:
من غير غلط و الله برنس من يومك يا باش مهندس محمد نور
سلام علي الدنيا اذا لم يكن بها
صديق صدوق صادق الوعد منصفا ( الامام الشافعي )
كلنا نفتكر كلام سيدنا ابو بكر الصديق لما قال (شرب الرسول صلي الله عليه وسلم حتي ارتويت)
اعتقد ان دي احلي كلمة نقولها لما نحب نوصف معني الصديق والحبيب و.........
عموما انا معاك يابو حجاز بقول للناس دي ... احنا بجد متشكرين.. وعلى رد جمايلكم يارب نكون قادرين.. ولأحلامكم وامانيكم يارب محققين.. وعلى همومكم ومشاكلكم يارب متغلبين.. ويخليكم لينا ربنا يا حلوين وما يحرمنا منكم أبدا ابدا ابدا يارب امين...
الله عليك وعلى كلامك الجامد ده يابشمهندس،فيه حكمه بتقول"إن أعظم ألم ف الحياه حينما يكون الانسان الوحيد الذى يهتم بأمرك هو أنت"فلما نلاقى ناس تهتم بينا وتشاركنا ف كل حياتنا يبقى فعلا يستحقوا اننا نشكرهم من كل قلبنا ونقول لهم ربنا يخليكم لينالأنهم مش هيخلونا نحس بالألم ده...فعلاالصداقه هى أسمى علاقه فى الدنياوأنا من رأيى إن الواحد لما يلاقى صديق يثق فيه ويكون بيشاركه ف كل حياته يعنى ف فرحه وف جرحه لازم يتمسك بيه جدا ولازم كمان يعامله بنفس المعامله الطيبه الجميله دى
بجد انت كل اللى بتكتبوا روعة ودى بالذات حلوة اوى انت بتجيب الكلام الحلو دة منين؟؟؟
مع انى لسة مجربتش انى اعرف حد كدة بس الكلام عجبنى جدا
-الجميع يسمع ماتقول.
-الاصدقاء يستمعون لما تقول.
-افضل الاصدقاء يستمع لما لم تقل...الصديق هو الشخص الذى يعرف اغنية قلبك ويستطيع ان يغنيها لك عندما تنسى كلماتها..
-الصداقه دى احسن حاجه فى الدنيا بجد وبجد اللى مجربشى مش هيعرف الموضوع ده اللى ميلاقى نفسه فى مكان بعيد بحكم ظروف شغل او جيش اوغيره ويلاقى واحد صاحبه بيتصل بية يسأل علية لوجه الله مش علشان مصلحة او حاجه تانيه اللى مجربشى مسيره هيجرب ويقوللى على احساسه هيبقى عامل ازاى احساس مختلف تماما ..فاللى معاة صديق بحد فى الزمن اللى احنا فية دة يمسك فيه بايديه وسنانه وميضعوش من ايديه
محمد نور
ما برنس الا انته ياباشا وبرده من غير غلط
احمد بيه فرحات
وانا كمان معاك ياعم احمد وشكرا على الاضافه الجميله
مرمر
الله على كلامك انتى وكفايه على انك بتهتمى بامرى ولازم تردى على كل بوست
غير معرف
شكرا على المجامله الرقيقه وقريب ان شاء الله هاتجرب بس لازم تعرف حاجه اللى نفسك اصحابك يعاملوك بيه لازم تقدمه ليهم الاول معادله سهله وحاول تجربها
سيادة العقيد مجدى
حتى فى هنا فى البلوج بتتكلم عن الجيش انسى بأه يعم وبعدين انا عرفت دلوقتى السفر مش عاز يجى ليه اتاريك ماسك فيه مش عايز تسيبنى...هههه
الكلام دة حلو اوى يا محمد بس فين الناس دى حتى لو موجودة الناس دى قليلة اوى للاسف زمنا اصبح صعب جدا كل واحد بيقول يلا نفسى عموما مقاللك جميل وخلانى ارجع اتفئل تانى
this is a good thing but life is not this easy and we should all know that these good feelings we are talking about are injected into humans by allah. but remember the situation in which every body care only about himself
إرسال تعليق