بص ياباشا قبل ما تقرأ اى حاجه لازم تعرف ان احنا هنا Minimum Charge يعنى م الاخر لازم تسيب تعليق ولو ماسيبتش عادى برده ولايهمك كفايه انك نورتنا.



الاثنين، سبتمبر 27، 2010

شباك قصـادى...


منذ أخر مره رأيتها ومازالت ابتسامتها عالقة فى ذهنى... فأنا أبتسم لمجرد أننى تذكرت مداعباتها لى... أذكر حججها الوهميه التى تتصنعها للتقرب منى... أفتح شباكى فأنظر الى شرفتها لأجد شعاع النور يظهر من خلف شباكها... هذا الشعاع يخبرنى أنها مازالت مستيقظه... أتردد قليلا هل اناديها لنحكى معا كما تعودنا أم فقط أنتظر قدومها... اذا قرارى سأنتظر طلتها وحدها... أتساءل الى متى سنظل هكذا... هى بنت الجيران وأنا ابن الجيران... من الصغر ونحن نتعامل كالأخوات تربينا معا وترعرعنا معا... لكن هذا ما نتظاهر به فالجميع يدرك أننا عاشقان... إذا إلى متى سيظل التظاهر؟؟...طالما أننا عاشقان فلماذا إذا لا نمارس العشق علانية؟؟... ما الذى يمنعنا من مصارحة أحدنا الاخر؟؟... فليكن سأخذ أنا هذه الخطوة... سأصارحها... سأخبرها بمشاعرى بكل صراحة... وليكن ما يكون...إحترت فى الطريقة الجيده التى سأخبرها بها فاخترت الكتابة... لماذا الكتابة ولماذا لم يكن وجها لوجه..؟؟ أولا لان فى الكتابة تكون المهمه أسهل والنتيجه تكون أروع... فسهولتها فى أنك ما عليك إلا أن تكتب بكل صدق ما تشعر به على الورق وروعتها فى أن القارىء يتخيلك وأنت تخبره بتلك الكلمات بالطريقة التى عشقها منك... وثانيا لأن الكتابه ذكرى حصينة أمام تغيرات الزمن... وثالثا تحسبا لأى مفاجأت إذ ربما يكون ذلك شعورى أنا فقط...


أعددت القلم والأوراق وهيأت الجو جيدا وعلى نغمات أغنية سيرة الحب بدأت الكتابة... وبكل لهفة وشوق ظللت أكتب وأكتب الى أن كانت كلماتى ".......فهذا ما أشعر به نحوك... فهذا ما جعلنى أدمن إبتسامتك... فهذا ما أجبرنى أن أكون دائما الى جوارك... كنت أنانيا باختيارك حبيبه لى ،، لكنى لم أكن أنانيا فى اختيارى حبيب لكى... فأنا الأن أجهل اختيارك... أجهل عنوانى بالنسبة لكى... سئمت من كونى أخا لكى وأتسأءل الأن فى طلب عنوان أخر لى... لذلك تركت خانة الإمضاء فارغه فلتملأيه بما يحلو لكى..... منى أنا ،، أهدى هذه الكلمات الى أروع من إطمأن لها قلبى وهوتها عيناى وسميتها حبيبتى ،، سلامى لكى..."


وكعادتى راجعت كلماتى مره ،، واثنين ،، وفى الثالثه أزعجتنى رنة الموبايل وبعد تفحصه وجدتها رساله... من مَن الرسالة..؟؟ إنها من بنت الجيران... ماذا تقول الرسالة؟؟... "مش دى سيرة الحب بتاعت أم كلثوم ما تعلّى الصوت شوية"... يإلهى ما هذه الصدفة الغريبة... انها أروع صدفة رأيتها... فتحت شباكى فوجدتها تطل من شرفتها فقلت لها مبتسما " ياترى كده الصوت تمام..؟؟" قالت لى "أيوه كده تمام"... وسألتها "إيه اللى مصحيكى لحد دلوقتى"... قالت لى "أبدا جذبنى صوت الاغنية فعجبنى ،، فقولت أطلع أشم شوية هوا وبالمره أسمعها"... وظللنا نتحدث ونحكى ونضحك وننكت ونتبادل النظرات والإعجاب ونتوارى عندما نرى شخص قادم من بعيد لكى لا يرانا... وظللنا هكذا وأنا أترقب اللحظه التى أخبرها بها بورقتى الى أن جاءت الفرصه فقلت لها "والله انتى بنت حلال أنا كنت عايز أقولك على حاجه"... ردت قائلة "قول ياسيدى"... قلت لها "فى ورقة كده لقتها مرميه فى البلكونه عندى فقريتها ومافهمتش فيها حاجه ،، ممكن تبقى تقريها وتقول لى اللى فيها"... قالت لى "إتفقنا هى فين..؟؟" فاعطيتها الورقه وقلت لها "إحترمى نفسك بأه ،، واقفه نص الليل مع واحد غريب بتعملى ايه خشى نامى" وضحكنا وتمنينا الخير لصباحنا وودعنا بعضنا... ومرت ثلاثة أيام وأنا أتوجس من الاجابة... وبدأت أتيقن أن الإجابة غالبا ستكون غير مرضية لى... وبدأت الوساوس تأتى وتذهب إلى عقلى... إلى أن جاءت الليلة الرابعة... وفتحت شباكى وناديتها كالعاده... وتبادلنا أطراف الحديث العادى وكلينا ينتظر من الأخر أن يفتح الموضوع... بدأت أنا بالتلميح من بعيد فاختارت هى أقصر الطرق وقالت لى "مش عايز تعرف ايه اللى كان مكتوب فى الورقه اللى لقتها فى البلكونه"... قلت لها "لا طبعا ،، دا أنا هاموت وأعرف"... فابتسمت إبتسامة مليئة بالثقة وهى تنظر الى عينيا وقالت "الامضااااااااااء -صمتت لبرهة ثم تابعت- أخرة صبرى"... برزت عينيا من المفاجأة وكأننى لم أكن أتوقع تلك الاجابة ثم قلت لها مناكفا "ومين صبرى ده بأه إن شاء الله"... فنظرت إلىّ مستنكرتاً ثم قالت لى "بقولك إيه ياكابتن ادخل نام عشان عندك شغل الصبح ،، ولو شفت الشباك ده مفتوح لحد بكره بالليل هاقول لماما ع الجواب وهاعملك فضيحة"... قلت لها ضاحكا "لا يعم وعلى ايه... الطيب أحسن يالله تصبحى على خير يأجمل من إختار قلبى ولا أقولك تصبحى عى خير ياصبـرى"... وهكذا كانت أسعد ليلة فى حياتى...


27 ســــــــايق عليك النبـــى تجبر خاطرى بكلمتين...:

مش قلت لك شكلك كنت بتحب بنت الجيران
:))

جميلة أوي وأنا عاوزه الجزء التاني عشان أعرف اللى حصل بعد كده
وعندي شبه يقين إن الحب ده ضاع

عشان واحنا صغيرين مبنعرفش نحمي حبنا غالبا
وبنخلص أوي بس مش بنعرف نواجه التحديات اللى بتكون قدامنا
:(

وبننجرح

القصة جميلة جدا ولا الاسلوب حكاية ايوة كدة يا هندسة وهي دي الحكاية

بصراحة قصة جميلة بس انت كتبت المقدمة فين الباقى عايزين نطمن على سعادتك
هههههههههه علشان خاطر النبى ما تصدمنى فى الآخر وتقول فشلت الحكاية عايزين التكملة

جامدة وحلوة يس كملها

جميلة يا حجاز
اعتقد ان مفيش تكملة ولا ؟

ثورة

انتى كده هاتودينى فى داهيه بنت الجيران مين اللى بحبها

وبعدين القصه دى من وحى الخيال

ولو كملت الجزء التانى تقريبا الناس هاتزعل فبلاش بقى
كده أحلى

غير معرف

انته اللى تعليقك حكاية تسلم يابرنس ونورتنى

منى

مفيش نهاية كفاية ككده اصل تقلب بعكننه وانتى عارفانى لازم اطلعها فاشلة فى النهاية

تسلمى

غير معرف

عشان خاطرك هاحاول اكملها وانته الجانى على روحك بقى يالله

فرحات

فاهمنى من يومك يامعلم تسلملى

حلوة اوي اوي
عيشتنى المووود مع ابطال القصة وكانى واقفة جنبهم في البلكونة
تحياتي على الاسلوب الرائع

جميلة اوى ياحجاز بجد مع ان القصه معروفه بس اسلوبك جعلها مختلفه

اول مره اعلق هنا علي المدونه
تسلم ايدك رغم انها قصه متكرره بس عجبني اسلوبك طريقه لذيذه وسلسه
وعايزين الباقي بس بلاش غم والنبي :)
نفسي في نهايه سعيده بقي لو انت مالفها من وحي الكاتب يعني بلاش فيلم عربي حاول تخليه هندي المرادي :D
ايمان

حلوة اوووووووووووى بجد ... تسلم
مع انى كنت فالاول حاسه انها متكررة وعادية بس بعد كام سطر اتغير انطباعى .. اسلوبك رائع

امممممم بس هوا دا بجد من وجى خيالك حاسها حقيقيه !!

awln sorry kteer wallahy kan 3"sb 3ny elly 7asl dh 5las b2a sma7 3rfak 2lbk kbeer
sanyn b2a a elklam alto7fa dh bgd gmeel w gamd gdn w k3adtk 5rgtny mn el mood 5als b3d ma 2ryt wallahy mkontsh tay2a nfsy w lsa sa7ya asln bs elbrka f klamk b2a ya bashmohnds klamk 5lany f donya tanya 5als w kan nfsy ala2y 7aga tanya gdeeda mnk
a2olk fekra 5ls elktab elgdeed bosr3a b2a 3ashan bgd hmoot w a2rah
rbna ywf2k ya sokr

وكنت عاوز تقفل المدونه وتحرمنا من الجمال ده!

ياريت فعلا تكملها بنهايه سعيده من وحى الخيال بلاش النهايات الواقعيه اللى ديما بتكون مؤلمه

I will be Myself

ياباشا تشرفى البلكونة فى مكان فاضى ما تقلقيش
ههههههههههههه

شرفتينى والله والمدونة نورت

محمد عبده

تسلملى ياريس واهو حبة تفاؤل وحب وضحك عشان ما تقولش المدونة على طول فيها حزن

ايمان

طبعا نورتى المدونة ولو كنا نعرف كنا فرشناها رمل
:D
اما من ناحية موضوع النهاية فالصراحة النهاية اللى كانت عندى نهاية هندى
لكن انا افضل اسيب كل واحد يختار النهاية اللى تناسبة

تسلمى والمدونة نورت

نوووووووده

تسلمى ودا بس من زوقك وربنا يعزك يارب
وصدقينى القصة من وحى الخيال ولا تمت الى الواقع بصلة عشان اصلا بنت الجيران تقطع الخميرة من البيت
هههههههههههه

نورت المدونة ياندى

omnia

ياباشا انا والله مازعلان ولا حاجه هو انا اقدر ازعل
وثانيا انا فى غاية السعاده انى كنت سبب فى انى كنت سبب فى انك تظبطك مودك واحنا فى الخدمة يعنى تدفعى كام بأه
هههههههههه

نورتينى والله ياامنية وايون كده خليكى متابعه اما بالنوسبة للكتاب فوالله لسه لحد دلوقتى ما كتبت حرف ومش عارف ليه

يالله ربنا ييسر

Amira

ربنا يعزك يارب وادينى اهو سيبتلكوا النهاية تتخيلوها براحتكم عشان انا لو نهيتها مش هانهيها نهاية سعيدة فبلاش احسن

نورتينى وخليكى متابعه وشجعينا كده

i liked it :)
a5tsart al7akaia kolaha f mashhd wa7ed bs gab almofed ya3ni :D
keep goin !

btw am the one who is sitting next to you :)

داليا

اه ما انا اخترت مشهد واحد عشان نقصر ع الساده المشاهدين قصدى القراء والاهم ان الفكرة وصلت الحمدلله

شكرا داليا ع الزيارة ونورتى مدونتنا العزيزة

امممممممممممم
دي اول زيارة وعلي فكرة انا دخلت عشان البوست اللي بعد ده اللي هو عن حرب اكتوبر بس لقيت البوست ده شدني فدخلت اقراه ...
بجد جمييييل جدا جدا جدا
بحب انا قصص الحب
وبعدين انا بكتب قصص بس مش بالحلاوة دي بجد
احيييك بشدة علي الاسلوب الرائع والقصة الجميلة ...واروح بقي للبوست اللي لفت نظري عن اكتوبر والسادات
سلام مؤقت ...وتقبل مروري

رحاب
ههههههههه ماشى
انا بقى رحبت بيكى فى البوست التانى ودفعتى الخمسة جنية والحمدلله

أشكرك بشده على نقدك الرائع وانا منون ليكى واروح انا كمان اشوف القصص بتاعتك اللى دون المستوى دى
ههههههههههههههه

نورت المدونة