بص ياباشا قبل ما تقرأ اى حاجه لازم تعرف ان احنا هنا Minimum Charge يعنى م الاخر لازم تسيب تعليق ولو ماسيبتش عادى برده ولايهمك كفايه انك نورتنا.



الاثنين، أغسطس 17، 2009

انته جيت يارمضان...!!!


فى دخلة رمضان... روحت قولت للشيطان...

بـص يعم ابليس... عايزين نبدأها بيـس...

عايزين بجد المره دى... نقسمها حادى بادى...

تسيبنا اول عشر تيام... ينفعلنا فيهم صيام...

ونركـعلنا ركعتين... ونلتـزم شويتين...

ونختم مره القرأن... ونحط فى الحسبان...

الاهتمام بالصـلاه... ونحاول نقضى الزكاه...

والاهم صلاة الفجر... والنوم طبعا مصيره الهجر...

ومش زى رمضان اللى فات... ضيعتـنا البنات...

وقعـدنا للمسلسلات... وشدتنا الاعـلانات...

وأنتخـنا نيام... وطنشا صلاة القـيام...

وخد انته بأه اللى باقى... ماكل حاجه بترجع عادى...

والجوامع بتفضى تانى... ونبدأها طناش من تانى...

ونرجع نسمع الاغانى... والبنات بتقلع تانى...

وكام صلاة تراويح بتضيع... والمسلسل ده بأه فظيع...

والجو بيبرد الفجر... وانا لما اقوم هاصليه فرد...

ويتحول رمضان من عباده... الى للأسف مجرد عاده...

قام قالى الشيطان... ياأيها الانسان...

انا باشكرك بامتنان... دا انا ياراجل كنت تعبان...

وقاعد زعلان وقرفان... اصل انا فى دخلة رمضان...

بيلمونى انـا والعيال... ويقيدونى بالاغـلال...

بس انا دلوقتى اطمنت... واتبسطت كمان وارتحت...

أصل أنا خلاص عرفت... انى هاتقيد وسايب ورايا رجاله...

كفاره يامعلم...



5 ســــــــايق عليك النبـــى تجبر خاطرى بكلمتين...:

علي فكرة الشيطان ضحك عليك ياحجاز عارف ليه
لانك اخدت 10 وهو اخد 20
وكمان ال 10 اللي انت اخدتهم مش هيسيبك فيهم برضو
دا الشيطان

وباعدين ياسيدي خلي الشيطان يطمن اوي وقوله انه مش سايب وراه رجاله دا سايب وراه شياطين

ورمضان ...........كريم

احساس جميل بنحسه فى رمضان .. من صوم وصلاه وقرايه قرأن ..ومنظر الشوارع واللمبات والاعلام .. ومناظر الفوانيس بتاعه ايام زمان .. وياه على الصلاه فى اجمل الشهور .. تنوورالوجووه وتطمن الصدور .. واوقات الصيام والفطار والسحور .. تخلى القلب مليان سرور .. ونشوف الجامع بالناس مليان .. والناس جايه بدرى عشان تصلى قدام .. وتركع وتسجد ورا الامام .. واللى ييجى متأخر مايلاقيش مكان .. يااااااااااه.... احساس جميل اوى بس يارب الشيطان يسيبنا فى حالنا ويسيبنا نعمل الحاجات الحلوه دى ربنا يهده ويبعده عننا....يارب

هههههههههههه للاسف صحيح سايب وراه رجاله

عجبنى اوى انك وصفت الواقع بطريقة بسيطة خالص

جميلة اوى يا محمد تسلم الايادى يا جميل

وكل سنة وانت طيب وبخير وكريم

لا بجد جميلة وكمان الشيطان إطمن خلاص مننا بس هو حب يعرفنا إنه راجع راجع

ربنا يرحمنا يارب ويهدينا دايما للايمان مش رمضان بس

منونه

انتى اللى تسلمى متشكر ونورتينى


منى
طبعا دا سايب وراه رجاله يابنتى