ضحكات بطعم الألم...
هل تعرف هؤلاء الذين يضحكون بطعم الالام... هل تعرف هؤلاء الذين يقهقون بوجع القلب... هل تعرف هؤلاء الذين ينكتون بواقع مرير... انهم فقط مجموعة من المرضى فى احدى المستشفيات العامة جمعهم مرض واحد وتوجد بينهم علاقه حميمة رغم أنهم لا يعرفون بعضهم البعض... تجدهم يسالون عن حال بعضهم البعض ويواسون بعضهم البعض ويخففون من ألام بعضهم البعض... تجده يتحدى ألامه ويترك سريره وبخطوات بطيئة يذهب إلى غرفة جاره ليذهب عنه بعض الألم... تجد المرضى الأقدم اقامه فى المستشفى يحاولون طمأنة وتخفيف وطأة وذعر المرضى المستجدين واخبارهم بأن حالتهم الصحية قد تحسنت 200 فى الميه وانها قد تحسنت فى وقت أسرع من المتوقع وهم بدورهم ستجرى الامور معهم على خير حال بأمر الله... وهؤلاء المرضى بعينهم رأيتهم ذات مساء وقد تجمعوا فى احدى الغرف وناموا على الأسره خلف خلاف ليتسامروا سويا ،، وما ان بدأ السمر والثرثرة حتى انطلقت الضحكات و(التريقة) على الأطباء... يحاول احدهم وهو مستلقى أن يقلد الدكتور فلان ،، فيقهقون جميعا قهقهات عادة ما يتخللها الكثير من هجوم الكحة والسعال... ولكنهم يراوغون ويقامون هجومها ويقهقون أكثر وأكثر... ويضحكون أكثر وأكثر... وينسون ولو للحظات ماهم فيه من الألم... وأظن أننى كنت أقلهم ضحكا لذهولى من الموقف نفسهم... حقيقة لا أعرف طبيعة هؤلاء الناس... ولا أعرف أين تعلموا تلك العواطف... ولا أعرف أيضا هل ذلك مقتصر ع المصريين فقط ام أنها طبيعة بشرية... ولكن ما أعرفه جيدا أن الأمر استمر لبعض الوقت وعادة الألام مرة أخرى... وما أعرفة أيضا أنهم يحتاجون الى الدعاء فلا تبخلوا عليهم بذلك...
-------------------------------------
فقط عشان خايف منه...
رأيت شاب صعيدى متعلم ذو الثلاثة وعشرين عاما قدر له ان يدخل المستشفى لعمل عملية شريان فى القلب... كانت تظهر على عينه علامات الخوف الشديد رغم طمأنة الجميع له وكان من شدة خوفة انه لا يستطيع فعل اى شىء ابدا بدون اخوه حتى الاكل واللبس وكل شىء رغم انه يتحرك عادى ويمشى عادى وطبيعى جدا ولكن خوفة الشديد هو من اجبره على ذلك... لاحظت على هذا الشاب انه عندما يسمع الاذان فيجرى على السجاده ليؤدى صلاته... ولكنه كان يضع يده اليسرى على اليمنى فصححنا له الامر وعندما سألنا أخوه أخبرنا ان هذه اول مره يصلى فيها... وأعتقد انه فعل ذلك عشان بس خايف من ربنا... ونعم بالله...
----------------------------------------
أجازة بقى...
انا قررت ان احرمكم من مقالاتى لمدة تلات اسابيع او شهر كده... ماتعرفوش بقى غلاسة ولا ايه المهم فى حاجات كتير اوى عايزه تتظبط... فى حاجات كتير عايزه تتقرأ... فى حاجات كتير عايزه تتغير... حاسس ان التدوينات فى النازل والمخزون نفذ... فقولت نجيب ورقه وقلم كده ونقعد نحسبها من اول وجديد وانا عارف نفسى ولا حاسب حاجه ولا متنيل بس اهى محاولة...
عامة انا هغطس شوية عن المدونة وراجع تانى باذن الله ولو مارجعتش ابقوا خدوا المركب انتوا وارجعوا...
9 ســــــــايق عليك النبـــى تجبر خاطرى بكلمتين...:
بردو 3*1
1- كل الحكاية ان المريض دا بيبقي حاسس بالمريض اللي ودامه لانه مشترك معاه في الالم
كل واحد بيحاول يخفف عن التاني باللي بيقدر عليه. وربنا يعافي ويشفي مرضي المسلمين.
2- كتير من الناس مش بيعرف ربنا الا في وقت الشده ربنا يعافيه ويهديه ويداوم علي الصلاة.
3- اخيرا هنرتاح ..... افصد اقول هتوحشنا ياحجاز .
صديقى العزيز محمد
عارف مقصر معاك بس صدقنى كُنت مش متظبط
بحاول ارجع اهوا
ربنا يشفى كُل مريض
متتأخرش تمام ها (:
كل سنة و انت طيبة
سنة جديدة سعيدة عليك
جميل اوي
يمكن انا حساها اوي
لأني أسعد لحظات في حياتي
لما بتعامل مع المرضى
و في نفس الوقت بيتركوا
ذكريات مؤلمة جدااا لن تمحوها الأيام
فرحات
كلام جميل يابرنس تسلم
رامى
ازيك يارامى عامل ايه ياراجل فينك كده
لا ربنا يعينك ويظبطلك امورك يارب
وكل سنة وانته طيب يابرنس وسنة جديده سعيدة عليك
ولاء
لا بجد ربنا يعينك يادكتورة العيشة فى المستشفى صعبه جدا جدا جدا
بالتوفيق وربنا يشفى كل مريض
فعلا احنا لازم ومن الواجب علينا مننساش المرضى ابدا من الدعاء وربنا يشفى جميع المسلمين
انا اسفه غبت فى الرد
يسلم قلمك
منى القلب ليلى
عندك تأخير خمس تيامم وست اشهر
:)
هههههههههههه ياه دنا اتأخرت كتير اوى يلا معلش اخصمها من المرتب
إرسال تعليق