بص ياباشا قبل ما تقرأ اى حاجه لازم تعرف ان احنا هنا Minimum Charge يعنى م الاخر لازم تسيب تعليق ولو ماسيبتش عادى برده ولايهمك كفايه انك نورتنا.



الجمعة، نوفمبر 19، 2010

4-حائط المنفى...


مقال من صفحات كتاب مصر م الاخر...


استكمالا لحصة الجغرافيا... فهناك سورا فولاذيا يفصل بيننا وبين غزه الفلسطينية وقد تم بناءوه بناءا على طلب الشقيقة إسرائيل حيث أنهم أكدوا لنا أن الفلسطينيين الوحشين يقومون بحفر أنفاق تحت الأرض بين الحدود المصرية الفلسطينية لتهريب المدرعات وطائرات الفانتوم إف 22 وحاملات الطائرات العملاقة فحرصا منا على سلامة إخوانا البعده فقد تم بناء ذلك السور... أضف إلى معلوماتك أن شعب غزه محاصر ومش لاقى ياكل ومشرد وتفشى المرض ولاتوجد مياه ولا كهرباء ولا يملك حتى لقمه حاف ياكلها -لالالا ما تفتكرش الجوع ده من الحصار لأ أصلهم صارفين كل فلوسهم على الإف 22 عالم نزيهة بقى- لكن من العجيب ياصديقى انهم غير مسلوبى الاراده ومازالوا يتحلون بروح الشجاعة والاصرار والانتماء للقضية نفسها رغم ما آل اليه حالهم... أما إسرائيل الشقيقة فهي الآن الأعلى تسليحا في الشرق الأوسط وتقدموا في مجالات التكنولوجيا والنهب والنصب والسرقة والتشويش إعلاميا... وأعتقد أنهم وصلوا في زمانكم إلى حاجه من الاتنين لاما هما القوى العظمى اللي في العالم وذلك امتدادا لما وصلوا إليه عندنا وأيضا امتداد لما وصلنا إليه نحن من ضعف وهوان... او طردوا وتم تشريدهم ثانية في الأرض والحق رجع لصحابه وده بقى إذا كان ظهر في المية سنة اللي بيني وبينك دول واحد زى صلاح الدين... فوالنبى تخلى بالكم لا الوحشين بتوع غزه يعملوا فتحه فى السور ولا حاجه أصل أهم حاجه امن مصر وسلامتها...


وعلى سيرة العدو الصهيونى فلقد تم الاعتراف دوليا بالدوله العبريه سنة 48 بعد اغتصابهم لأرض فلسطين اثر معارك داميه ضد الجيش العربى التى انتهت بهزيمته 1-0 ويذكر ياأخى انها كانت المره الاخيره التى لعب فيها المنتخب العربى على مستوى الصعيد الدولى ومنذ ذلك الحين وعصابة الصهاينه تلك تزداد قوة ونفوذا وتحصينا ويمارسون البلطجه العلنيه ضد شعب فلسطين العزل امام العالم بأجمع ولا يردعهم رادع... ولكن الحق يقال ياصديقى فنحن نغضب ونشجب ونستنكر بشكل دائم -مش ساكتين يعنى- وعملنا أغنيتين جامدين أخر حاجه (الحلم العربى والضمير العربى) ،، -وماتعرفش ايه الرابط بس الظاهر الراجل عمل الحلم العربى فاكتشف ان الناس بتحلم وبتحلم وبتحلم بس من غير ضمير ونية صافيه فقال اما اعملهم الضمير العربى ايالك يخلوا عندهم دم بقى ويحلموا بضمير)... فأنصحك اذا كانت لديكم النية فى ان تسترجعوا الأراضى المغتصبة فلابد أن تبتعدوا عن هذه الكلمات الثلاثة -نغضب ونشجب ونستنكر وشوفولكم اى كلام تانى ممكن يأثر فيهم- ،، وكان عندنا راجل جامد اوى اسمه جمال عبد الناصر قال كلمتين حلوين أوى كانوا راعبينهم ع الاخر "ماأخذ بالقوه لا يسترد الا بالقوه" ويبدو انه كان يستطيع أن يسترجع حقه لولا أن منعه الموت من ذلك (الله يرحمه)...



6 ســــــــايق عليك النبـــى تجبر خاطرى بكلمتين...:

والله يامحمد الموضوع مؤثر جدا بس فعلا عندك حق الحلم والضمير
والحكمه اللى قالها جمال صح بس ازاى
حقيقى اخر 3 مواضيع ليك بجد تحفة يسلم قلمك

الله عليك ولد

وفعلا قالها ومات

"ماأخذ بالقوه لا يسترد الا بالقوه"

ومن يوم ما توفى وماتت القوة معاه وبقى فيه حاجات مش كويسه بتحصل
اخرها الغاز اللى صدرناه فى بلد بتتقطع فيها الكهرباء عن سكانها

الموضوع بجد يغيظ
حلم
مجرد حلم
كان ممكن نحققه لو احنا فكرنا صح واتفقنا واجتمعنا علي قرار لمرة واحدة مع بعض
لكن كل واحد فكر لوحده وف نفسه وبس ...
احييك يا محمد

رحاب
انا بشكرك جدا وده صح فعلا وللاسف المنتخب العربى لعب ماتش الاعتزال سنة 48
ومن يومها وهو بيتفرج وبس

نورتينى يارحاب

MET.ENG

متشكر ليك جدا ويارب يكون المقال عجبك
وانا عن نفسى بحب الراجل ده وبحس انه كان فعلا صادق لكن الزمن هو اللى جه عليه

نورتينى يابشمهندس

منى

افهم يعنى انى اخر تلت مواضيع هما اللى حلوين اما الباقى فأى كلام
ههههه

تسلمى يامنى على الكومنت ده ويارب تفضلى دايما منوره المدونة خاصتنا
:)