تباع بس ايه ادارجى...
العربيه اللى ركبت فيها شغال عليها تباع شكله زى اى تباع بس هو مش عادى... عشان هو حافظ جميع اماكن الكماين اللى موجوده فى طريقه... وكمان الظباط اللى موجودين وازاى يتعامل مع معاهم... اول ما طلعنا من رمسيس فوجأت بيه بيقول ياجماعه بعد اذنكم اى واحد جنبه شباك مفتوح يقفله... وقفل المسوجر بتاع البابين اللى قدام واللى ورا... فأنا سألته هو الشباك اللى مفتوح عليه غرامه اليومين دول ولا ايه قالى بس اصبر واتفرج على اللى هايحصل... وبعد شويه قال للسواق اول صنيه هاتقابلك ادخل يمين واطلع الكوبرى اللى فى وشك وانته نازل انزل من على اليمين والزق فى العربيه اللى قدامك عشان تخبى النمره... عشان فيه كمين الظابط اللى فيه اسمه خالد فتحى دا ظابط ابن تييييت السواق نفذ اللى حصل بالحرف وفعلا نفد من الكمين... واحنا داخلين على الكمين اللى بعديه قاله لا الكمين ده بأه ادخل شمال... دا فيه حبيبنا الظابط حمدى هياخد عشره جنيه كان بياخد خمسه بس هو رفعها من شهرين... الكمين اللى بعديه قاله هاتلاقى عندك كارته فوقك امسكها وروح ناحية اليمين خالص (الكمين بيبقى ناحية الشمال) ووريله الورقه كده من بعيد وزمرله واعمل فيها مستعجل وطبعا وقد كان عدا بسهوله جدا مع ان العربيات كلها كانت متثبته... وفى كام كمين كده برده بس مش فاكر اللى حصل...
................................................................................................................................
مفيش حاجه اسهل من كده شويه...
اليافطه دى وانا نازل قريتنا لاقيتها متعلقه واول ما قريتها موت على نفسى من الضحك عشان اصلا انا متهيألى اللى كاتبها مش فاهم فيها حاجه... انا باه راضى زمتك مين بأه فى قريتنا اللى فاهم كلمة شرائح... طب فئات بتاعت الانتخابات وعارفنها امال بأه موضوع المحاكم العسكريه دى مش ماشى... يعم دا الناس دى اخرها محكمة الاسره تقوم تقولهم محكمة عسكريه... اراهنك هاتلاقى الناس كل ما تقراها يقولوك انهم اظاهر هايعملوا عندنا قاعده عسكريه زى بتاعت ويش... ولا كلمة مدنيين دى بأه هى اللى جامده طب انا مهندس وفاهمها عشان عارف المهندس المدنى وكده يعنى... بصراحه اليافطه دى انا متأكد ان الناس ما فهمتش فيها الا كلمة الاخوان المسلمين... والله اللى معلق اليافطه دى حرام عليه كده هايجيب احباط للناس... يعم علق حاجه على اد الناس اللى هايقروها... وخليك فى حالك واتكلم على ادك كلنا بناكل عيش فى البلد دى يابا يعم دا بيقولك منيو الخمسه لسه بخمسه...ولا ايه...
العربيه اللى ركبت فيها شغال عليها تباع شكله زى اى تباع بس هو مش عادى... عشان هو حافظ جميع اماكن الكماين اللى موجوده فى طريقه... وكمان الظباط اللى موجودين وازاى يتعامل مع معاهم... اول ما طلعنا من رمسيس فوجأت بيه بيقول ياجماعه بعد اذنكم اى واحد جنبه شباك مفتوح يقفله... وقفل المسوجر بتاع البابين اللى قدام واللى ورا... فأنا سألته هو الشباك اللى مفتوح عليه غرامه اليومين دول ولا ايه قالى بس اصبر واتفرج على اللى هايحصل... وبعد شويه قال للسواق اول صنيه هاتقابلك ادخل يمين واطلع الكوبرى اللى فى وشك وانته نازل انزل من على اليمين والزق فى العربيه اللى قدامك عشان تخبى النمره... عشان فيه كمين الظابط اللى فيه اسمه خالد فتحى دا ظابط ابن تييييت السواق نفذ اللى حصل بالحرف وفعلا نفد من الكمين... واحنا داخلين على الكمين اللى بعديه قاله لا الكمين ده بأه ادخل شمال... دا فيه حبيبنا الظابط حمدى هياخد عشره جنيه كان بياخد خمسه بس هو رفعها من شهرين... الكمين اللى بعديه قاله هاتلاقى عندك كارته فوقك امسكها وروح ناحية اليمين خالص (الكمين بيبقى ناحية الشمال) ووريله الورقه كده من بعيد وزمرله واعمل فيها مستعجل وطبعا وقد كان عدا بسهوله جدا مع ان العربيات كلها كانت متثبته... وفى كام كمين كده برده بس مش فاكر اللى حصل...
................................................................................................................................
مفيش حاجه اسهل من كده شويه...
اليافطه دى وانا نازل قريتنا لاقيتها متعلقه واول ما قريتها موت على نفسى من الضحك عشان اصلا انا متهيألى اللى كاتبها مش فاهم فيها حاجه... انا باه راضى زمتك مين بأه فى قريتنا اللى فاهم كلمة شرائح... طب فئات بتاعت الانتخابات وعارفنها امال بأه موضوع المحاكم العسكريه دى مش ماشى... يعم دا الناس دى اخرها محكمة الاسره تقوم تقولهم محكمة عسكريه... اراهنك هاتلاقى الناس كل ما تقراها يقولوك انهم اظاهر هايعملوا عندنا قاعده عسكريه زى بتاعت ويش... ولا كلمة مدنيين دى بأه هى اللى جامده طب انا مهندس وفاهمها عشان عارف المهندس المدنى وكده يعنى... بصراحه اليافطه دى انا متأكد ان الناس ما فهمتش فيها الا كلمة الاخوان المسلمين... والله اللى معلق اليافطه دى حرام عليه كده هايجيب احباط للناس... يعم علق حاجه على اد الناس اللى هايقروها... وخليك فى حالك واتكلم على ادك كلنا بناكل عيش فى البلد دى يابا يعم دا بيقولك منيو الخمسه لسه بخمسه...ولا ايه...
5 ســــــــايق عليك النبـــى تجبر خاطرى بكلمتين...:
صبح صبح يابو حجاز......ايوه ياعم خليك كده معانا
وباعدين ياعم انت مش عارف يعني ايه شرائح طيب ياسيدي هقولك انا
شرائح جمع شريحة والشريحة دي اما تكون اتصالات وا فودافون او موبينيل.
اعتقد ان الموضوع كده بقي واضح واي حاجة عايز تفهمها
كلمني علي
ابو العريف نص كم......
بما اني قايمه المنيو خمسه لسه بخمسه
ممكن الشريح دي تبقي جمع شريحه اللي هيه شريحة لحم او بطاطس
حاجه من هذا القبيل
يعجبني فيك تعليقاتك يحجز
وبالنسبه للاخ التباع اكل العيش عاوز كده
يعني ما بيحطش الاطباق علي التلفزيون والريموت في المطبخ
وخاليك فاكرني
الوزير والحكومه وسلملي علي مجدي
يابني متحولش تبص للي في مصر علشان هية كلها كوسة ودي من انواع الكوسة بس بفن شوية والأخ اللي بيتكلم عن الشرايح دة هوة مشفش شرايح اللنشون او البيفي اقصد الخنازير اللي الشعب كلو أكلها ومفكرها لحمة فيران هههههههه وكفاية كلام علشان انا كدة هتحول للأمن الدولة وسلام لكل اصحبنا
فرحات
صبح صبح ياعمنا بقى هو ده مفهومك عن الشرائح...ولا انته فهمتها كده عشان معاك خطين....
كبيرنا الوزير
حبيبى والله ازاى مااعرفكش واحنا من مؤسسى الحزب....بس ابقى انته افتكرنا وانته واقف جنب طارق كامل كده ولا حاجه...اصل اناحاسس انك هاتئلشه قريب وتمسك مكانه...ومجدى بيسلم عليك
العجورى
الله ياولاد انا لو كنت اعرف ان البلوج بتاعى هايخلى الحبايب يشرفونى كده كنت عملته من زمان...واحشنى والله ياعمرو...وبمناسبة الكوسه فانا عارفها كويس وشميت ريحتها وهى اللى تعبانى دلوقتى..ابقى طنى عليك وسلملى على سامح كتير
مساء الفل انا والله التباع ده عجبنى جدا ذكى وبيعرف يصرف أموره وقادر يركز ويحفظ ازاى يفلت من كل كمين بس انا شايفه ان السواق مش بيعمل حاجه غير انه ينفذ الاوامر طب ما التباع يسوق هو وخلاص وحتى يوفر على نفسه الكلام. أما بأه عن اليافطه كلام فى سرك مش فاهمه فيها ولا اى حاجه ولا حتى الاخوان المسلمون مش زى كلامك السهل العسل ده (منيو الخمسه لسه بخمسه)!! كلام فى سرك برده يعنى ايه الجمله البسيطه السهله دى؟ يلا سلام....
إرسال تعليق