تدوينة هذه المره من نوع جديد جدا ع المدونة كنت اتمنى ان افعلها من زمان لكن اهى الحمدلله جات الفرصه... التدوينة عباره عن مشكلة نعرضها ونتمى ان نجد اراء ربما تؤدى الى الحل... هذه المشكلة تخص احد اصدقاء البرنامج وبما ان ساعاتى مشهور بحل المشاكل العاطفيه فعندما عرضت عليا المشكله وجدت ان حلها بسيط جدا ومع بساطتها فالتنفيذ صعب جدا لذلك احببت ان اشارككم اياها لاعرف هل انكم ستوافقوننى على رأى ام ستؤيدون كلام صديقى هذا عندما قال لى (يعم انته ليك دماغ لواحدك)... اذا لنبدأ المشكله...
المشكله ليست جديده انما هى قديمه قدم الازل هى عباره عن الجدل الدائر بين زواج الصالونات وزواج الحب لكن هذه المره بتحبيكه معينه...
فبطلنا مرتبط صالوناتى باحدى الفتيات وهناك خطوبه وشبكه بفلوس كتير والاهم فى ذلك انها رغبة العائلة ولازم تاخد دى عشان خاطر فلان ولو ماخدتهاش ممكن نقتلك والتصميم الاعمى على تلك الخطوبة والمواعده بالاذى فى حالة عدم الانصياع... وزاد الطين بله انه اكتشف ان خطيبته لم تكن ابدا من النوع الذى يحبه انما هى الضد تماما... لذلك هو يشعر بالسجن فى خطوبته ويتمنى ان تحدث كارثه من السماء لكى تنتهى تلك العلاقه... وهذا هو نصف الحكايه
النصف الاخر هى تلك الفتاه التى كان ولازال يرتبط بها... هو يحبها وهى تعشقه... هو يتمناها وهى تنتظره... هو خاطب وهى ترفض كل العرسان من اجله... هو لم يخبرها بخبر خطوبته وهى تتوعده بالقتل اذا لم يتزوجها... أهلها يعرفونه حق المعرفه ويوافقون عليه واهله يصممون على خطيبته... هو اخبر خطيبته بانه لم يريدها وخطيبته تخبره انها لن تتنازل عنه... هو يخبر حبيبته انه يريدها وهى تقسم له انه لن يعيش بدونها...
اذا هو الان فى دوامه وربما يكون هناك بعض المبالغات فى المواعدات لكنه لا يعرف حقا ماذا يفعل هل يتحدى اهله ام ينسى حب السنين،،، هل يرضى بالسجن ام يحارب السجان،،، هل يشترى حريته ام يتركها ويرضى باللى اتقسم،،، هل ترضى الحبيبه ان تعيش بجوار المجبوره عليه ام تتنازل عنه،،، هل ترضى المجبوره عليه ان تضحى من اجل حبه وسعادته ام والنبى ما انا سايباك الا فى القبر،،، اذا كل حاجه ضد الاخرى تماما الا حاجه واحده ان الاتنين توعدوه بالقتل... لذلك كان لها حل بسيط عندى فماذا عن حلولكم...
أه نسيت اقولكم لو حد عنده مشكله وعايزنى اسيحله هنا فى المدونة مفيش اى مشاكل بس كله بحسابه طبعا وكل سنه وانته طيب بأه يابيه........حجاز.
6 ســــــــايق عليك النبـــى تجبر خاطرى بكلمتين...:
الموضوع ده بالذات يثير جدل كبير عندك واحتمال كبير تبقى قضية رأى عام
هههههههههههه ربنا يوفقك وأمتعنا بالمزيد بس لما تحل المشكلة دى لصاحبك وتطمنا عليه
طبعا طول ما هو بيحب واحدة استحالة هيشوف الجانب الايجابي في خطيبتة وحرام علية يظلم خطيبتة ويعلق بنت ولازم ياخد موقف مع نفسة حتي لو هيسيب خطيبتة وميرتبطشي بحبيبتة
علشان كده انا مكنتش عاوز حد من أهلى يختار ليا
بس انا بحبذ الحب
لأن من الكلام هى و أهلاها موافقين يعنى أصعب شيىء محلول
يقول لأ لأهله
ده أحسن ما يمشى كلامهم و يتسع نفسه و البنت اللى هيتجوزها و ممكن يطلقها يبقى لا حصل الحب و لا الصالونات
رمضاااان كرييييم
منى
ربنا يكرمك يارب
وائل
تعليق سليم ووجهة نظر تحترم
رامى
طبعا يحيا الحب بس معظمنا بردك بيتجوز صالوناتى
أولا كل الناس متشكرين على أرائكم الجميله دى اللى موجوده ع الفيس بوك وهى وصلت لصاحب المشكله خلاص
ثانيا انا استنيت للاخر عشان بس نلم اكبر قدر من الاراء
ثالثا اقولكم رأى أنا بأه المتواضع
--------------------------------------------
أنا رأى انه يتنازل عن الاتنين لانه بالفعل خسرهم هما الاتنين
-----------
اولا خطيبته لانه دائما بيشعر وكأنه مسجون ومش طايق نفسه وهو معاه والادهى من ذلك انه قلها فهى وان كانت متمسكه بيه برده مش هاتنسى ان هو ماكانشى عايزها واكيد اكيد ان البيت يكون مهدد بالانهيار عاجلا او اجلا
-----------
اما حبيبته فهو اخطأ فى حقها يوم ما خطب ويعتبر فى عرفها خيانه عظمى ولن تنسى له ابدا انه يوما ما كان بيضحك عليها وتقريبا بيتسلى بيها لانه مش بيعرف حد عليها لأ دا هو خطب واحده غيرها بقاله اكتر من سنة ومقالهاش
وبكده حتى لو اختارها هى فهى بلا شك هايكون عندها مبررات لانهاء العلاقه دى هاتركنها فى جنب الى ان تستحدث اى مشكلة ممكن تتلكك بيها لانهاء العلاقه
ويبقى كده كده هى باظت على دماغه
-----------
اما موضوع اهله فاذا كان م الصعب جدا على اهله انه يسيب خطيبته عشان واحده تانيه فمن الصعب من غير جدا انه يسيبها عشان اى تلكيكه والسلام وانه مش عاوز يجوز وانه مش مبسوط بالموضوع والاسباب كتييير جدا
وده رأى اللى قالى عليه انته ليك دماغ لواحدك فيه ودمتم بود
:)
والله انت جبت من الآخر بس يقولهم الاتنين ويخلصهم بقى وكفايه ظلم لنفسه قبل اى حد لانه بيحمل نفسه فوق طاقتها كفايه أقنعه بقى
وربنا يوفقك يابشمهندس نتمنى المزيد
إرسال تعليق