بص ياباشا قبل ما تقرأ اى حاجه لازم تعرف ان احنا هنا Minimum Charge يعنى م الاخر لازم تسيب تعليق ولو ماسيبتش عادى برده ولايهمك كفايه انك نورتنا.



الاثنين، أغسطس 23، 2010

أجواء رمضانية مصرية جدا...


    يختلف جو رمضان كثيرا فى مصر فهناك من يشعر بدفء ليالى القاهره فى رمضان وزحمة شوارعها بعد العشاء وعلامات البهجه والفرحه على الوجوه واللمه اثناء السحور. وطيبة اهل هذه البلد التى ربما يكون لها طعم اخر فى رمضان .بل ربما تشعر وكأن البلد انقلبت الى حال مغاير تماما بقدوم رمضان ونحن كمصريين لنا ختم خاص وطقوس خاصة نستقبل بها هذا الشهر الكريم ولعل أفضل جمله يمكن ان تلخص هذه الاجواء هى "رمضان عندنا مش زى اى حد تانى"... وعشان عندنا مش زى اى حد تانى احببت ان اصف لكم بعض الطقوس الهامه فى رمضان...

  1. تلاقى يجى تلاتين راكب راكنين ع الشباك فى المترو وفى سابع نومه وكل واحد مشغل الشيخ محمد جبريل ع التليفون الصينى بتاعه...
  2. تلاقى كل واحد حاطط ترابيزه قدام بيته وبيبيع سوبيا وتمرهندى وعرء سوس لجيرانه...
  3. ماشاء الله فى كل شارع تلاقى مائدة رحمن وتروح تفطر يحسسك انه لمك من الشارع وبيعمل فيك جميله...
  4. كل اتنين بيتخانقوا مع بعض يختما خناقتهم بقول احدهم للاخر يعم انا مش عايز افطر عليك وذلك بعد سماع كوكتيل من السباب والقذائف من كليهما...
  5. تلاقى السواق اثناء المغربيه سايق باقصى سرعه عشان يلحق الفطار قبل ما العيال يخلصو الاكل وهو مش فاهم انه بكده ممكن يعمل بينا حادثه ومايطولش حاجه من العيال خالص...
  6. الخير موجود ع الطرقات قرب الفطار اشى ميه وعصاير وتمر وحاجات ماشاء الله بس شرطهم الوحيد ان غصبن عن اهلك هاتاخد هاتاخد حتى لو اضطر انه يرمى نفسه قدام العربيه ويموت فى سبيل انه يفطرك...
  7. بمناسبة الخير ع الطرقات فى سواقين بيقصد انه يطلع ع الطريق ساعة الفطار عشان يفطر ببلاش ويفضل يلم من ده ومن ده ويحوش ومايديش لحد فى العربيه ويوقف الطريق ويعطل الدنيا المهم لازم ياخد...
  8. لما الباب يخبط وتلاقى تلاتين عيل جاينلك عايزين خمسه جنيه عشان زينة رمضان ياعمو...
  9. لما تلاقى بتاع الزباله بيخبط عليك الساعه 11 بالليل ويقولك عندك زباله ياستاذ فتستغرب من الضمير النائح اوى ده ولكن سرعان ما تسمع كل سنة وانته طيب بأه ياستاذ (ادفع يامعلم)...
  10. لما تروح تصلى فى جامع محترم وتلاقى عامل الجامع واقفلك ع الباب وانته خارج ويقولك كل سنة وانته طيب بأه ياستاذ...
  11. لما تلاقى كل القنوات بيذيعوا نفس المسلسل وكلهم بيقولوا انه حصرى عندهم هما بس...
  12. لما تلاقيه مش بيصلى خالص اصلا بس اهم حاجه لما المغرب يدن يسيب الفطار ويروح يصلى فى الجامع الاول ويذلنا جنبه...
  13. لما تلاقيه طول النهار مشغل قران ومستشعر جو رمضان جدا مع انه مش بيعتب الجامع اصلا فى رمضان...
  14. لما تلاقى فجأه البنات احلوت فى رمضان واللبس بقى على اصوله...
  15. لما تلاقى ناس ما يدخلوش فى زمتك بتعريفه وتلاقيهم شغالين امام تراويح فى رمضان...
  16. لكن اجملها لما تلاقى الناس فى كل حته ماسكين المصاحف ومشغولين بالسباق فى ختم القران...
  17. وفى النهاية على رأى قناة الحياه أسال اهطل من رمضان اللى فات...


13 ســــــــايق عليك النبـــى تجبر خاطرى بكلمتين...:

هو بالفعل رمضان في مصر حاجة تانية
بس بيني وبينك انا عايز اسماء (فاهمني)

طبعا فاهمك
تيمون وبومبه
:)

كل سنة وانتم طيبين بس كل سنة بيطلع طقوس جديدة عن السنة اللي قبلها لغاية اما هيجي في يوم رمضان علينا منصوموش خالص وبعدين يا باشا الناس اللي نايمة ومشغلة محمد جبريل فية كتير منهم بيشغل اغاني ويقةلك بنسلي صيامنا

كل سنة و انت طيب

يا عم حرام عليك

اة صحيح في كده بس فى ناس كويسة و مشاعر حلوة

انا عارف ان انت مبقوق (مبأوأ)

من مناظر معينة

بس صدقنى رمضان عندنا غير الدنيا كلها

(:

سواق الميكروبص على فكرة طول السنة عنده فطاااار


رمضاااااان كريييييم

حق ربنا انت كل مواضيعك بتمس حياتنا

ويسلم قلمك ونتمنى المزيد

wlahi w7shni klamk ya 7gaz basha kol rmdan wenta tyb atktblna kteeeeeeer

وائل صالح

وانته طيب ياحبيبى وبعدين ياباشا مش المهم مشغل ايه المهم الصحه
:)
منورنى ياباشا

رامى

واحشنى ياريس
ووالنعمه انا عارف انه عندنا غير بس زى ما انته قولت مبأؤؤ من مناظر كتير

وربنا يسهل للسواق ويلحق العيال قبل ما يخلصو الفطار

تسلم يابرنس

منى

ياباشا وربنا انتى اللى تسلمى ويارب أفضل كده عند حسن الظن

وعلى فكره بقالك كتييييير الالهام ما بيجيش قوليلى هو فين وانا اروح اجيبه
:)
نورتينى

امنيه

والله ياباشا انتى اللى واحشانى وواحشه المدونة وغيبتى عننا كتير

وبالمناسبه بقى يذكر ان عندنا الجو ولعه اثناء النهار مكتووم كتمه سوده اثناء الليل امال انتوا عاملين ايه فى اسوان
بجدالله يكون فى عونكم

نورتى يامنيه وما تغيبيش كتير احنا ما صدقنا بقى فى ناس بتابع يقوموا ينقصوا واحد
:)

e7na b2a 3ndna 100wl3a
wana wlahi mya5odneesh mnkom 3"er elshdeedel2wi
a5oya kan 3ml 7adsa mn ftra w lsa 5areg mn kam youm mn elhospital whwa now b2a a7sn el7
elmihm enta a5bar elsyam m3ak eh ya gmeel

e7na 3ndna 100wl3a b2a
bs wlahi elly 5dni mnokm elshdeed
a5oya kan 3ml 7adsa kda wlsa 5arg mn elmostshfa mn kam youm
wb2a a7sn el7
elmohm enta 3aml eh ya 3asl

امنيه

الف سلامه على اخوكى وان شاء الله يرجع يقوم بالسلامه ويبقى احسن من الاول ويخليهولكم دايما يارب

وانا الحمدلله تمام ويوه كده خليكى متابعانا على طول

نورتينى
:)