فيروس إنفلونزا الخنازير من الفيروسات المركبه جينياً و السبب وراء إطلاقه هو تبرير برنامج التطعيم الإجبارى الذى أقرته منظمة الصحه العالميه، ويكشف هذا البرنامج عن مؤامرة قذرة و واضحة لتقسيم الإنسانية إلى مجموعتين , المجموعة الأولى تضم أولئك الذين تدنت قدراتهم العقلية و الفكرية و تدهورت صحتهم و انخفضت القدرات الجنسية لديهم عن طريق التطعيم الملوث (قصده اللى هو احنا يعنى)، و المجموعة الثانية هى التى لا زالت تمتلك تلك الميزات الإنسانية الطبيعية و بالتالي فهي متفوقة و تحكم المجموعة الدنيا إن لم تستعبدها فعلاً ".
ده جزء من تقرير "عنوانه كابوس مروع-اسرار منظمة الصحه العالميه" لقيته فى ميل عندى. محتوى التقرير ده بيشكك فى العقار اللى هما هايخترعوه عشان يحمونا من الانفلونزا المكسيكيه اللى احنا اصلا مش عارفين ايه هى ولا ايه سببها الا شوية كلام فاضى من الاعلام... وفضل يحكى بأه عن تركيب العقار ده وانه بيحتوى على مادة السكوالين والماده دى موجوده بنسب معينه فى الجسم وانخفاضها يسبب انخفاض معدل الخصوبة و تدني مستوى الفكر و الذكاء و الإصابة بالأمراض المناعية الذاتية... ونصح الناس انهم يمتنعوا عن التطعيم الاجبارى وقال خلى بالك لو جابوا فى اعلان ممثل مشهور مثلا او واحد مسئول بيطعم فمايضحكش عليك وتنكب ماجايز الماده اللى هو بيطَعم بيها غير الماده اللى انته هاتطعم بيها ايش درَاك...
وده كلام زى الفل واحلى حاجه فيه بأه ان احنا مش عارفين اى حاجه فى اى حاجه... يقولولنا انفلونزا جديده نصدق ونخاف وندبح فى الخنازير... ونفضل نعد كل يوم المصابين زادوا اد ايه... طب بص احنا نلغى الدراسه السنه دى(اصل هى ليها لازمه اصلا)... لالالا احنا نلغى العمره ... وبص احنا نلغى الحج كمان... وندعو الساده المواطنين الى عدم التواجد ف الاماكن المزدحمه ومايروحش دماغك للمترو دى زحمه عاديه وما تقلقش مفيش حد عارف ياخد نفس ولا يعطس من كتر الزحمه ولا الاتوبيسات ما الفيرس يطير احسن ما يتذل على مايروح مشوار ولا طوابير العيش اصل الفيرس مابياكلش العيش بتاعنا ولا الماتشات بتاعت منتخب الشباب أصل عايزنكم كده امال تشرفونا وتملوا المدرجات شكلنا قدام العالم ايه احنا اللى منظمين البطوله ومفيش جمهور لا احنا قصدنا المساجد مثلا وبالذات صلاة الجمعه ياريت كل مواطن يروح الصلاه ع الاقامه على طول وبلاش موضوع الخطبه ده... واحنا ان شاء الله بندرس مشروع قرار الغاء صلاة الجمعه واغلاق المساجد الكبيره اصلا للحد من انتشار الوباء...زى ما هو باين كلها حلول خايبه وهايفه وغبيه وواضح الهدف منها... وتحزن لما تسمع ان وزير الصحه رفع شكوى للصحه العالميه بيشتكى من الظلم فى توزيع حصص العقار المضاد للانفلونزا وان الحصص الكبيره هاتروح للدول المتقدمه (عندك مانع بفلوسنا يابا واللى مامعهوش مايلزموش) وبعد كده يقولك لا دا العقار ده ملوث... يعنى الفيرس بيمَوت والعقار بيعيَشك ميت...
يعنى بالعربى كده احنا عندنا مشكله اكبر من مشكلةالانفلونزا... مشكلة الجهل والتخلف... ماهو احنا مش عارفين مين فيهم اللى بيمَوت... واللى هما هايقولولنا عليه هانعمله... ما ده تمن جهلنا وتخلفنا... لا احنا عارفين نخترع عقار ولا احنا عارفين نقدم حلول وقايه... لما نكون عايشين مالناش لازمه... ولا لينا اى دور ولا بنمثلهم حتى النوايه اللى بتسند الزير... دا احنا يدوب مجرد مستهلكين عاله عليهم... يبقى طبيعى جدا اننا نتحط فى المجموعه الاولى اللى المفروض عليها تفضل طول عمرها ضعيفه... عشان لما تيجى يوم وتصدر مناخيرها ليهم تاخد بكل سهوله على دماغها... ولازم تبقى وظيفتنا طول عمرنا فى قصرالدنيا خدامين... اخرنا الدور الارضى بس... احنا اللى عملنا فى نفسنا كده... واللى هما فيه دلوقتى دى اللى المفروض يكون... هما كل اللى عملوه حطوا قدام عنيهم حديث النبى عليه الصلاة والسلام "من تعلم لغة قوم امن مكرهم وشرهم" ونفذوه بالحرف الواحد عرفوا عننا كل حاجه ازاى يضحكوا علينا وازاى يستهيفونا وازى يستغبونا وازاى يستعبدونا وازاى نفضل طول عمرنا تحت رحمتهم... وديما محتاجين ليهم... وعشان مانفضلش عبيد ليهم لازم نساوى والمثل بيقول الشباك اللى بيجيلك منه الريح سده واستريح فياترى احنا عندنا استعداد نسد الشباك ده ونبدأ نحل مشكلتنا بنفسنا وعندنا استعداد يموت نصنا بس الحل نكون واثقين فيه لانه من صنعنا وعندنا استعداد نمد بس الخطوه والباقى بأه على ربنا... ربنا اللى احنا فى الوقت الحالى مالناش غيره وبنطلب منه يقف جنبنا... ويسترها معانا عشان عارف ان احنا فى الدنيا دى لا حول ولا قوة لنا... يـــــــــــارب
4 ســــــــايق عليك النبـــى تجبر خاطرى بكلمتين...:
لا يأس مع الحياة و لا حياة لمن تنادي !!!!!!!
ههههههه فل يا محمد
(: S:
المشكلة زي مابتقول هي مشكلة الجهل
والحرب دلوقتي هي حرب المعرفة
اولا كده عاوزه اسمع احلى سلام وتحيه لرجوعى ليكو بالسلامه اكيد تعليقاتى وحشتكم بس ان شاءالله مش هحرمكم منها تانى بس دعواتكم للنت عندى اصله بعافيه شويه....نيجى بأه لموضوعنا طبعا بنحيى البشمهندس على موضوعه الهايل ده لانه موضوع الساعه دلوقتى مفيش كبير ولا صغير غير لما بيتكلم فيه وطبعا زى ماقولت بيتكلموا وهما مش فاهمين حاجه اصلا ، المشكله فعلا فى العقار ده انا سمعت انو له اثا جانبيه خطيره وبيقلل مناعه الجسم(اذا كانت موجوده اصلا ) احنا فعلا مفيش قدامنا غير نقول يارب اقف معانا احنا شعب غلبان وضعيف مش حمل الخناير
ايه العبقرية دى ياحجازاوى
انا فخور بالعبقرية بتاعتك فى تحليل الجهل الذى نعانى منه
ياسلاااااااااام
الكلمتين بتوع الجهل على الانفلونزا فى الصميم تخلى كل واحد يلعن سنسفيل الجهل
متطلع المنبر وقول الكلمتين دول مع أيات للقرأن الكريم تحث على العلم وكدا بقى تبقى نورت الامة
اخوك محمد منصور حجازاوى .
إرسال تعليق