أولا كده كنت عاوز اقولكم سامحونى عشان اتأخرت عليكم المره دى ...أصل كانت فيه شوية تغييرات وتنطيطات كده حصلت... وكمان لسه مش قادر اتلايم على وصلة نت فى الشقه اللى ساكن فيها... فيالله خلوها عليكم المره دى وعدوهالى...
----------------------------------------------------
فى ناس اصحابى ناس زى العسل كان الوقت معاهم بيبقى جميل ولما جت الدنيا وبعدت بينا المسافات كنا بردك بنقرب المسافات دى بالاتصالات... لكن فجأه كده الاتصالات دى اتقطعت ومفيش اى خبر عنهم وانا بصراحه نفسى اعرف عنهم اى حاجه واطمن عليهم... اولهم صحبى احمد منصور سافر الكويت وكان فيه اتصالات بينا وفجأه كده من يجى تلات شهور مفيش حس ولا خبر وانا مش عارف اوصله ولا لاقى رقمه ولا اعرف حاجه عنه...فيارب لو بيقرا الكلام ده يعرف انى نفسى وهاموت ويجيلى جيل من الكويت قصدى نفسى وهاموت ويتصل بيا ويطمنى عليه...تانيهم زميلتى منى العربى حاجه كده زى العسل ... من الناس اللى تسأل عنك وتخدمك وتساعدك كده لوجه الله ومن غير مقابل... ودى كانت بداية معرفتى بيها... وانقطعت اخبارها مره واحده من ساعة ما قبضت اخر شهر من المنحه... واظاهر كده الله اعلم خدت الفلوس وهربت... المهم يارب اسمع عنها كل خير وتكون اشتغلت فى شركه انترناشيونال زى ما كانت بتتمنى... وتالتهم حبيبى عمار صادق بس الحمد لله اتصل بيا وطمنى عليه من تلات تيام كده وعرفت انه حى يرزق...فيارب الناس دى تكون بخير وطمنا عليهم ديما...
----------------------------------------------------
نظرا للنجاح الباهر والانتشار السريع والشهره المنقطعة النظير والتصييت ع الفيس بوك للمدونه بتاعتى... فأنا حاطط بلان ان شاء الله انى اعمل شوية تغييرات.... فياريت تبعتولى وتساعدونى بأى اقتراح روش كده... وقولى نفسك اتكلم فى ايه وعن ايه وايه اللى عجبك فى اللى فات واللى ماعجبكش واوعدك انى هابقى اعدى عليك لو عدت معايا... وبالمره ابعت مع الاقتراح ده اى حاجه كده من اللى فيه النصيب اصل بعيد عنك اخوك مديون وهنيالك يافاعل الخير والاجر والثواب على الله....
----------------------------------------------------
الا صحيح ما قولتلكوش مش انا قابلت الصفر... اه والنبى حصل زى ما بقولكم كده... اتخايلت بيه فى الشارع كده وانا ماشى... واول ما شوفته طبقت فى زميرة رقبته وكأنى لقيت لقيه... ولقيته ياعينى غلبان ومكسور ومبهدل ومش لاقى ياكبدى ياكل لقمه... قولتله انته فين ياعم دا انا بدور عليك من زمان اصل قالولى ان البدايه من عندك... قالى يحنن يابنى انته ما تعرفش ان اللى ما يشوفش من الغربال يبقى اعمى... فطست على نفسى من الضحك وقولتله تصدق طلع العيب فينا احنا مش فيك... قوم يابركه قوم اما اجبر خاطرك بطبق كشرى وندور على حد يساعدنى ويساعدك...صباح الفل
----------------------------------------------------
8 ســــــــايق عليك النبـــى تجبر خاطرى بكلمتين...:
طيب ياسيدي ماتظبط كده وخد لي ميعاد مع الصفر
وماتقلقشي ياسيدي الطبق الكشري دا عندي انا ومش بس كده لا وحاجة ساقعة كمان
بس في حاجة مختلفة المرة دي في البوست بتاعك
دايما متعودين ان الصورة تكون معبرة عن الموضوع
المرة دي ........................
وربنا يطمنك علي حبابيك
صحيح نسيت اقولك
سلملي علي امل
هههههههههههههههههههههه
nndknjj;kjbepoyijknjhônlknlkddppmmnknd)
اية البكلام الجامد دة ياحجاز علي العموم انا شفت احمد منصور من فترة في الشارع في الفروانية هو بخير وهحاول اجيب لك رقم الموبيل بتاعه علشان تتطمن علية
لا تعليق
حد فهم حاجه
انته رحت القاهره ايه الى حصلك ما انته كنت فى شرم حلو حلو اوى كمان
قرحات
امل بتسلم عليك وبعدين اخدلك معاد مع الصفر ليه ما انته عارفه وحبايب مع بعض والصوره طلعت معبره يامعلم بس اللى يفهم
اول غير معرف
اموت واعرف انته مين دا انته ايامك سوده معايه لو راجل عرفنى نقسك ياويلك ياويك ازاى تجرؤ تعمل الحركه دى عارف فيلم الارض واللى حصل لمحمود المليجى والحصان والكرباك والليله دى هانقذ المشهد ده معاك ان شاءالله
تانى غير معرف(مش عارف الناس مش بتكتب اسمها ليه)اكيد فى حاجه غلط
ع العموم ياريس شكرا ونورت المدونه بس بقولك هو يعنى ايه فروانيه زى الخواجات عندنا كده
تالت غير معرف
هو حد قال ان انا وحش مااناعلى طول حلو ولا فى حد عنده اعتراض وبعدين القاهره او شرم كله اكل عيش واكل العيش يحب الإيه الخقيه طبعا قهمت حاجه بأه ولا ايه الاخبار متشكر ياعسل
صحيح ياحجاز انت تقصد الصفر اللى على اليمين ولا اللى على الشمال اصل انا معاى واحد على الشمال ابعته لك
سلامووز الغنام
ahvhv
إرسال تعليق